Kesahan Urang Banjar

Batu Bara
Kai Lacuk tulak saruan babuka puasa dirumah Adul urang paling sugih,pangusaha batubara dikampungnya.Pas rahatan basalaman kai salajurai batakun wan Adul.
Dasar batambah harat pang ikam ni wahini,batambah sugih,cucuku si Sabran makaam pina kadada kamajuan padahal sama ai pada bausaha batubara jua,kaya apa am adalah rahasianya atawa ilmu napakah nang kawa diturunakan ka si Sabran jar Kai
Kadada ilmu atawa rahasia napa2 kai ai, ulun jadi suksis kaya ini marga kai ulun mati.. heheee

Cemilan
Utuh buntat nang hanyar bulik dr sakulah TK pas rahatan sampai dirumah sihadran batakun kaya apa td disakulah balajaran apa??
UTUH BUNTAT: tadi tami balajai mahitung cemilan..
HADRAN: parasaan td abah kada ada manyangui cemilan kaikam tuh ai dari mana dapatnya??
UTUH BUNTAT: abah tahukah cemilan tu ap??
HADRAN: CEMILAN tu makanan tuh ai..
UTUH BUNTAT : Calah bah ai cemilan tu cacudah calapan camalun capuluh.

Pajabata Bapangaruh
‎" siapa Pajabat nang paling bapangaruh D Indunisia ni bu2hannya?",jar Hadran."Parisidin ai paharatnya"jar Ijul.
"Salah!"jar Hadran."Siapa lg nang harat pd naitu Dran?".jar BU2hannya.
"Gubarnur BI wan Mantri Kauangan nang bapangaruh banar,matan urusan sakulah,maulah KTP,sampai urusan parut sidin badua tu nang maurusi,mun ada kartas nang ba tanda tangan sidin,lancar smuaan"jar Hadran smbl manampayakan duit ribuan..

Indomie
Waktu aku halus dulu,hrg indomie 150 perak sabungkus,ada rasa hayambawang,rasa karih hayam,wan rasa kaldu hayam,pas tabawa duit 25 perak wara,jd kutakunkan wan acil ijum nang bajual,ada nang tamurahkah cil,nang 25 perak.
jd jar acil ijum ada ae nang ai,nang rasa tahi yayam handaklah??itu ceritaku,mana ceritamu???

Uang Logam
Hadran sepakawanan ni biar sakulah kd tinggi mahatiakan jua mslh ekunumi nagara,
"Magin hr magin tahun nilai Rupiah malamah jar d barita,"jar Ijul mambuka pandir."Mun hakun kupadahi mantri kauangan sabulan gin rupiah ni mnguat!",jar Hadran.
"Umayy Dran,haratnya pang,napa pa2dahan ikam?"."Ganti duit kartas wan lugam smuaan,kuat am,10 tahun kd rusak".
"Waluh Dran ai"jar bu2hannya teimbai..

Basaung Hayam
Bu2han Isur,Imuk wan Adur dasar mambulalas,aur pamainan basaung hayam.
Rahat basaung disaluk pulisi,tumbar bukahan masuk kalanggar,asing2nya pupura sumbahyang.Angkat tangan!jr Pulisi.
Allahu Akbar jr Isur maangkat tangan sambil manggitir,dalam hatinya biar pulisi parcaya kalu inya sumbahyang.Pulisi tatap manangkapi bu2hannya,napa mun Adur bapuruk mukana,Imuk tapaling kiblat,Isur bakupiah haji tagal basalawar handap

Disarang Urang
Samalam unda disarang urang 15 ikung labih, unda hawar wan kayu babangkih haja ahambur bukahan, Jar Anang Timpakul.
Umai...haratnya ikam..nang.."bubuhan kampung mana gerang nang manyarang", Jar Utuh Buaya.
Itupang bubuhan kampung subalah, nang sakulah di TK Abadi, handak mamutik rambutan unda, jar Anang. Nyata ae bukahan mun kakanakan TK nang ikam hawar wan kayu babangkih, jar Utuh